Blerim Xhemaili ka kontribuuar me asistim, por Zuerichu nuk ka mundur të marr më shumë se një pikë në ndeshje me St. Gallenin.
Të mërkurën mbrëma, Zuerichu e St. Galleni luajtën 2:2 në kuadër të xhiros së 34-t të elitës zvicerane. Xhemaili asistoi për golin e parë të Zuerichut. Xhemaili, Benjamin Kololli, Fidan Aliti e Lindrit Kamberi startuan te Zuerichu. 21-vjeçari Kamberi startoi për herë të parë. U aktivizua te Zuerichu edhe Toni Domgjoni, ndërsa Hekuran Kryeziu mbeti në stol. Zuerichu është i shtati me 40 pikë dhe është pranë për të siguruar mbetjen në elitë.
