Arsenali e ka nisur sezonin në mënyrën më të dobët. Në tri ndeshjet e para në Premier League, ekipi i drejtuar nga trajneri Mikel Arteta, ka tri humbje.
Gjithashtu, londinezët nuk kanë arritur ende të shënojnë golin e parë në Premier League duke pësuar kështu nëntë gola në tri takimet e para.
Megjithëkëtë, presidenti i Arsenalit, Stan Kroenke, thuhet se do t’i japë kohë trajnerit Arteta.
Madje, mësohet se Kroenke do ta mbështesë trajnerin spanjoll dhe nuk do ta shkarkojë atë nga pozita e trajnerit.
