Jakub Kiwior i është bashkuar Arsenalit nga Spezia. Mbrojtësi 22-vjeçar polak ka nënshkruar kontratë deri në vitin 2027.
Mbrojtësi që ishte pjesë e Polonisë në Kupën e Botës në Katar ka luajtur 43 ndeshje për klubin italian.
Trajneri i Arsenalit, Mikel Arteta i është gëzuar transferimit të Kiwiorit.
“Është mire që Jakubi po na bashkohet. Ai është një mbrojtës i ri që luan në pozita të ndryshme dhe ka treguar potencial dhe cilësi të mëdha me Spezian në Serie A si dhe në nivel ndërkombëtar me Poloninë”, ka thënë Arteta për faqen e klubit. Qendërmbrojtësi me Poloninë ka luajtur nëntë ndeshje.
Artikuj të ngjashëm