Është anuluar miqësorja mes Kosovës dhe Malit të Zi në hendboll që është dashur të zhvillohet sonte nga ora 17:00 në Podgoricë.
Përfaqësuesja e Kosovës ka udhëtuar të shtunën për në Podgoricë dhe ishte e gatshme për ndeshje. Por te Mali i Zi janë paraqitur disa raste me koronavirus dhe për këtë arsye është vendosur të anulohet takimi.
Vendimi u mor për të ruajtur shëndetin e lojtarëve, përkatësisht për të shmangur kontaktin me lojtarët tjerë të Malit të Zi, që mund të jenë bartës të virusit.
Ekspedita e Kosovës kthehet sot në Prishtinë dhe nesër vazhdohet me stërvitje për ndeshjet kualifikuese të janarit.
Artikuj të ngjashëm
