Presidenti i Juventusit, Andrea Agnelli, ka konfirmuar se Massimiliano Allegri do të mbetet trajner i skuadrës, pavarësisht disfatës 2:0 nga Maccabi Haifa në Ligën e Kampionëve të martën mbrëma.
Juventusi është në vendin e tretë të Grupit H, prapa Paris Saint-Germainit dhe Benficas.
Ka pesë pikë më pak se dy skuadrat e para, kur kanë mbetur edhe tri ndeshje për t’u zhvilluar në fazën grupore.
Skuadra italiane ka fituar vetëm dy herë në nëntë ndeshjet e fundit në të gjitha garat, teksa ka pësuar pesë disfata nga ato ndeshje.
“Bianconerët” janë në vendin e tetë pas nëntë ndeshjeve në Serie A.
Artikuj të ngjashëm