Mbrojtësi i Celticut, Kristoffer Ajer, është pranë transferimit te Milani, shkruan “Football Italia”. Por, klubi italian do të ketë konkurrencë edhe nga Leicester City.
Norvegjezi 22-vjeçar Ajer u transferua te Celticu në vitin 2016 nga IK Start. Trajneri i tashëm i Leicesterit, Brendan Rodgers, ishte kryetrajner i Celticut në atë periudhë.
Mirëpo, Milani është futur në garë për transferimin e Ajerit. Agjenti i Ajerit, Tore Pedersen, e ka konfirmuar se mbrojtësi nuk do ta vazhdojë kontratën me Celticun.
Shefi-ekzekutiv i Milanit, Ivan Gazidis, është në bisedime të avancuara me përfaqësuesit e lojtarit.
Artikuj të ngjashëm