Tottenhami synon transferimin e sulmuesit të kahut, portugezin Pedro Neto.
Neto, 23-vjeçar, është pjesë e Wolverhamptonit, me të cilën ka kontratë deri në qershor të vitit 2027.
Por ai mund të largohet për t’iu bashkuar Tottenhamit. Vlera e tij në tregun e transferimeve është 42 milionë euro.
Sulmuesi portugez me fanellën e Wolverhamptonit ka shënuar tri gola dhe ka kontribuar me 11 asistime në 21 ndeshje në të gjitha garat.
Ai po ashtu ka luajtur pesë ndeshje për Portugalinë. Për Përfaqësuesen portugeze të futbollit ka shënuar një gol.
