Federata e Tenisit të Kosovës ka reaguar nëpërmjet faqes zyrtare për postimin e tenistit serb, Novak Gjokoviq.
Gjokoviq nëpërmjet një postimi në Instagram, ka dalë në përkrahje të vrasësve të rreshterit Afrim Bunjaku.
FTK-ja ka shkruar të enjten se edhe reagimet e bëra në Federatën Ndërkombëtare të Tenisit, nuk janë marrë parasysh.
“Novak Gjokoviq përkrah terroristët që vranë policin në Kosovë! Kjo është e papranueshme! Pavarësisht nga ankesat tona në autoritetet kompetente, ato nuk janë marrë parasysh!”, ka shkruar Federata e Tenisit të Kosovës të enjten.
