Manchester Unitedi e ka siguruar Ligën e Kampionëve për edicionin tjetër, pas fitores së thellë 4:1 ndaj Chelseat në “Old Trafford” të enjten mbrëma.
Me pikët e plota përballë “bluve”, Unitedi tani siguron top-katërshen, pasi ka arkëtuar 72 pikë në 37 ndeshje të luajtura. Ka gjashtë më shumë se Liverpooli i vendit të pestë, kur ka mbetur vetëm edhe një xhiro për t’u luajtur deri në fund të kampionatit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoChelsea mbetet me 43 pikë në pozitën e 12-të.
Mykhailo Mudryk e pati mundësinë të shënonte për Chelsean që në fillim të ndeshjes por ai nuk e qëlloi topin si duhet.
Jo shumë minuta më pas, Casemiro shënoi për 1:0.
Anthony Martial në minutën e pestë të shtesës në pjesën e parë realizoi për 2:0.
Bruno Fernandes fitoi penallti dhe e shndërroi në gol në minutën e 73-të, kurse Marcus Rashford për 4:0 realizoi në minutën e 78-të.
Joao Felix vendosi rezultatin final të takimit, një minutë para fundit.
Me këtë rezultat, kompletohet top-katërshja angleze. Kampioni Manchester City, Arsenali dhe Newcastle United janë kualifikuar në “Champions”. Liverpooli dhe Brightoni do të luajnë në Ligën e Evropës.
Chelsea është i 12-i në tabelë.