Leeds Unitedi i është larguar zonës që dërgon një rang më poshtë në futbollin anglez, pas fitores në xhiron e 25-të të Premier Leagues.
Leedsi, në ndeshjen e parë të Javi Garcias në krye të skuadrës, fitoi të shtunën 1:0 përballë skuadrës së Southamptonit.
Junior Firpo me golin e realizuar në minutën e 77-të ia dha fitoren vendësve në “Elland Road”.
Kjo ishte fitorja e parë e Leeds Unitedit në ligë që prej 6 nëntorit.
Tani kjo skuadër ka 22 pikë, por mbetet në pjesën e poshtme të tabelës.
Southamptoni i fundit ka 18 pikë.
