Sigal Prishtina ka vazhduar me fitore në Superligën e basketbollit. Të dielën mbrëma, Prishtina fitoi ndaj Ponte Prizrenit me rezultat 72:52.

Prishtina ka dominuar nga fillimi dhe nuk ka hasur në vështirësi për të shënuar fitore të re.

Brooks Debisschop ka shkëlqyer te Prishtina me 16 pikë e 15 kërcime. Shifra të veçanta kishte edhe Dustin Thomas me 16 pikë e 16 kërcime.

Te Ponte u dallua Meriton Ismaili me nëntë pikë e tetë kërcime.

Ndeshja i ka takuar xhiros së 21-të.

Prishtina i ka 37 pikë, sa edhe Ylli.

Ndërkohë Ponte Prizreni mbetet në pozitën e parafundit me 28 pikë.