Leart Paqarada ka pasur telashe me trajnerin e skuadrës së St. Paulit, Fabian Hurzeler, të enjten gjatë ditës.
Në prag të përfundimit të stërvitjes, kanë qenë tri skuadra që kanë luajtur mes vete në fushë të vogël.
Por, ishte trajneri Hurzeler i cili e ndërpreu në gjysmë një ndeshje, pasi sipas tij, nuk po mund ta shihte performancën e ekipit të kaltër.
Në këtë skuadër ishte Leart Paqarada, futbollisti i Kosovës, që në verë do t’i bashkohet Koelnit të Bundesligës gjermane.
Paqarada ishte ndarë i pakënaqur me ndarjen e skuadrave, sa i përket gjatësisë së futbollistëve.
“Pesë lojtarë janë nën 170 centimetra dhe po mbetesh i befasuar që harkimet nuk po shkojnë në vendin e duhur”, është dëgjuar duke i thënë Paqarada trajnerit të tij, shkruan gazeta e madhe gjermane, “Bild”.
Trajneri i kishte thënë atij që të shkonte në zhveshtore. Paqarada 28-vjeçar kishte refuzuar ta bënte një gjë të tillë. Madje, ai ishte mbështetur të njëra shtyllë e njërës portë.
