Haaland i papërmbajtshëm, “hat-trick” në fitoren e Cityt
16:55
Haaland i papërmbajtshëm, “hat-trick” në fitoren e Cityt
Erling Haaland ka vazhduar të jetë i papërmbajtshëm për mbrojtjet kundërshtare.
Sulmuesi norvegjez në ndeshjen e xhiros së 21-të të Premier Leagues së Anglisë, shënoi “hat-trick” për Manchester Cityn, që fitoi ndaj Ëolverhamptonit.
Ai vazhdon të thyejë rekorde sa u përket golave të shënuar.
Aktualisht ka 25 gola dhe tri asistime vetëm në Premier League.
Golin e parë, Haalandi e shënoi në minutën e 40-të të ndeshjes, pas asistimit të Kevin de Bruyneit.
Belgu De Bruyne shkon në kuotën e 16-të asistimeve në të gjitha garat këtë edicion, ndërsa shtatë prej tyre kanë qenë për Haalandin.
Golin e dytë shtatlarti norvegjez e shënoi në minutën e 49-të nga penalltia.
Ndërkohë, tregolëshin e kompletoi në minutën e 54-t, kur u asistua nga Riyad Mahrezi.
Për Haalandin ishte “hat-tricku” i katërt në Premier League në vetëm 19-të paraqitje.
E theu rekordin e Ruud van Nistelrooyt që kishte shënuar katër tregolësha në 65 ndeshje.
Brenda një sezoni, vetëm Alan Shearer ka realizuar pesë herë nga tri gola brenda një ndeshje, në edicionin 1995-96.
Me këtë fitore, City shkon në kuotën e 42 pikëve në 19 ndeshje.
Ëolvesi në vendin e 17-të ka 17 pikë pas 19 xhirove të zhvilluara.
16:24
Haalandi i pandalshëm
Manchester City po fiton ndaj Wolverhamptonit në Premier League në ndeshjen e xhiros së 21-të.
City është në epërsi prej tri golave dhe të gjitha mbajnë emrin e sulmuesit Erling Haaland.
Sulmuesi norvegjez realizoi “hat-trick”. Për të është “hat-tricku” i 16-të në karrierën e tij profesioniste si senior. Në Premier League vetëm në këtë edicion ka shkuar në kuotën e 25 golave. Ka edhe tri asistime.
