Juventusi e ka eliminuar Monzan nga 1/8 e finales së Kupës së Italisë.
“Bianconerët” të enjten në mbrëmje fituan 2:1 ndaj Monzas në “Allianz Stadium”.
Moise Kean në minutën e tetë shënoi për Juventusin fillimisht.
Shifrat për mysafirët i barazoi mesfushori Mattia Valoti.
Ai realizoi në minutën e 24-t.
Golin e dytë dhe të fundit në ndeshje, Juventusi e shënoi nëpërmjet Federico Chiesas, në minutën e 78-të.
Juventusi me këtë fitore kalon në çerekfinale ku do të përballet me Lazion, që gjatë ditës së enjte eliminoi Bolognan.
