“Do të na mungojë brenda dhe jashtë fushës. Lojtarët e tjerë janë gati pasi kemi ekip të fortë për ndeshjet e ardhshme”, ka thënë Kasper Hjulmand në konferencën për shtyp.
Përzgjedhësi i Danimarkës, Hjulmand, njoftoi se mesfushori i Sevillas, do të mungojë në pjesën e mbetur të Botërorit.
Ish-futbollisti i Borussia Dortmundit, që ka pasur rol vendimtar në skemat e Danimarkës, ka lëndim në gju, të cilin e mori në ndeshjen e parë kundër Tunizisë.
Ai do të jetë jashtë fushës së gjelbër për të paktën katër javë, ka njoftuar Federata e Futbollit të Danimarkës në faqen zyrtare.
