Augsburgu i Bundesligës gjermane të enjten ka fituar ndeshjen miqësore kundër Austria Lustenaut me rezultatin 5:2.
Ashtu siç ishte i pandalshëm në fitoren 1:0 kundër kampionit gjerman, Bayern Munichut, ku Berisha e shënoi golin e fitores, i njëjti futbollist shkëlqeu edhe në miqësoren e së enjtes. Berisha realizoi katër gola, ndërsa “hat-trickun” e kompletoi në pjesën e parë.
Berisha shënoi në minutat 8’, 27’, 38’ dhe 52’. Ai luajti deri në minutën e 62-të. Nga minuta e 62-të në lojë u inkuadrua futbollisti tjetër shqiptar i Augsburgut, Elvis Rexhbeçaj.
