Skuadra e Chelseat ka bërë ofertë zyrtare për mesfushorin e Barcelonës, Frenkie de Jong.
“Mundo Deportivo” ka njoftuar të premten se Chelsea ka ofruar 60 milionë euro për ta bindur Barcelonën për lirimin e holandezit.
De Jongu pritet të shitet nga Barcelona këtë verë dhe ekipi spanjoll po kërkon të paktën 70 milionë euro.
Te Chelsea ai po shihet si përforcim i duhur për sezonin e ri, por londinezët nuk e kanë ndërmend të ofrojnë shumën që po e kërkon Barcelona.
25-vjeçari ka kontratë me ekipin spanjoll deri në vitin 2026, kurse javë më parë ka refuzuar kalimin te Manchester Unitedi, pavarësisht se Barcelona kishte pranuar ofertën e ekipit anglez.
