Mesfushori shqiptar Blerim Xhemaili thotë se ende nuk po mendon të tërhiqet nga futbolli, pasi ende po argëtohet.
Xhemaili 35-vjeçar aktualisht është pjesë e Zuerichut.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nuk mendoj ende për pensionim. Nuk ndjej ndonjë presion për të marrë një vendim shpejt. Gjithmonë kam thënë, do të luajë derisa të kem kënaqësi në këtë. Tash jam duke u kënaqur. Fizikisht mund të luajë edhe tri-katër vjet, nuk kam ndonjë ankesë. Por nuk i dihet se çfarë do të ndodhë”, ka thënë Xhemaili për gazetën zvicerane “Blick”.
Ai ka thënë se mendon të bëjë karrierë ne menaxhment.
“Momentalisht nuk jam i interesuar për një karrierë si trajner. Më tepër e shoh veten në menaxhment. Në një klub apo edhe i vetëpunësuar”, tha Xhemaili.
Ai ka vlerësuar lartë suksesin e Zvicrës, që u kualifikua në Botërorin 2022 në Katar. Vet nuk është tërhequr ende nga përfaqësuesja.
“Pse duhet ta bëjë këtë? Unë jam i mendimit që nga kombëtarja nuk duhet të tërhiqesh, sepse në një moment nuk do të thërrasin. Kaq është, nuk ke pse tërhiqesh”, tha Xhemaili.