Sulmuesi në top-formë, Victor Osimhen, ia ka siguruar fitoren Napolit kundër Torinos me rezultatin 1:0.
Osimhen realizoi me kokë në minutën e 81-të. Për 22-vjeçarin nga Nigeria ishte goli i pestë në këtë kampionat.
Ndërkaq për Napolin ishte fitorja e tetë rresht në Serie A këtë sezon dhe me 24 pikë, zë vendin e parë.
Ka dy pikë më shumë se Milani. Torino renditet në vendin e 12-të me tetë pikë.
Ekipit napolitan në këtë ndeshje iu anulua një gol për pozitë jashtë loje, kurse në minutën e 27-të, Lorenzo Insigne humbi penalltinë.
Te Napoli, titullar ishte Amir Rrahmani, i cili luajtur gjatë gjithë ndeshjes.
Ndërkaq te Torino rezervistë ishin portieri Etrit Berisha dhe mbrojtësi Mërgim Vojvoda.
-
17 tetor 2021 20:03
-
Shpërndaje në: