Sport

Andersson paralajmëron lojtarët para duelit me Kosovën

 

Përzgjedhësi i Suedisë, Janne Andersson ka kërkuar nga ekipi i tij që të tregohet i kujdesshëm në ndeshjen kundër Kosovës. Dueli mes Suedisë dhe Kosovës, zhvillohet më 9 tetor në stadiumin “Solna Arena” prej orës 18:00 dhe i takon Grupit B kualifikues për Kampionatin Botëror “Katari 2022”. Andersson të martën ka publikuar listën prej 25 futbollistëve, në të cilën spikat kthimi i sulmuesit të Milanit, Zlatan Ibrahimoviq.

Suedia në tetor do të përballet edhe me Greqinë (12 tetor), por Andersson ka thënë se fokusi do të jetë te ndeshja e parë, ajo me Kosovën.