Futbollisti danez Christian Eriksen i ka dërguar një vajze nëntëvjeçare një mesazh përkrahës para operimit të saj, ku do t’i vendoset në zemër një pajisje për rregullimin e të rrahurave të zemrës, shkruan “The Sun”.
Mesfushori i Interit, Eriksen, vet pësoi arrest kardiak gjatë ndeshjes së Danimarkës kundër Finlandës në Euro 2020 në qershor. Atij po ashtu i është vendosur një pajisje ICD në zemër.
Thuhet se Eriksen tash është në gjendje shumë të mirë fizike pasi është kthyer në Itali.
Dhe ish-ylli i Tottenhamit ka siguruar vajzën e vogël angleze Evie se do t’i kthehet shumë shpejt jetës normale.
Familja e Eviet i dërgoi një letër Eriksenit duke i shpjeguar se asaj po ashtu i duhet një pajisje për rregullim të ritmit të zemrës, pasi është diagnostikuar me një problem në zemër.
Edhe
Erikseni në shtëpi dhe në gjendje të mirë pas kolapsimit
Angazhimi i tyre nuk solli fryt fillimisht. Por, Eriksen u përgjigj pasi që danezi Kasper Lynge Esmann kishte kontaktuar federatën e Danimarkës.
Në videomesazhin që është shpërndarë në Facebook, Eriksen thotë: “Përshëndetje Evie, është Christiani këtu. Të faleminderit për letrën e këndshme, e kam lexuar sonte. Shpresoj që po ndjehesh komod dhe me optimizëm duke u futur në operacion. Kurrë nuk është argëtuese në spital, por jam i sigurt se mjekët e dinë se çfarë po bëjnë dhe do të ndihmojnë ty. Jam i sigurt se do t’i kthehesh shumë shpejt jetës normale pas operacionit. Unë e di se jam kthyer. E di se do të jetë njëjtë edhe për ty”.
