Sezoni 2021/22 në Superligën e Kosovës në basketboll, do të filloj më 8 shtator, ka njoftuar Federata e Basketbollit të Kosovës (FBK) të martën.
Në njoftim thuhet se para fillimit të sezonit të ri, prej datës 1 deri më 5 shtator, do të mbahet Superkupa e Kosovës në konkurrencën e meshkuj ve. Gjithashtu, FBK-ja ka njoftuar se ka shqyrtuar edhe kërkesat e Sigal Prishtinës dhe Pejës, ekipe këto që kanë shprehur interesim të marrin pjesë në Ligën Ballkanike, pot thuhet se atyre u është kërkuar që të plotësojnë kërkesat për licencim në FBK, përfshirë këtu edhe kryerjen e obligimeve ndaj FBK-së e FIBA-s.
Afati kalimtar veror do të mbyllet më 10 gusht te meshkujt derisa në Superligën e Femrave, do të jetë i hapur për lojtaret vendore deri më 27 gusht. Gjithashtu, FBK-ja ka shqyrtuar edhe kërkesën e Vëllaznimit për hapje të “Wild Card” për pozitën e nëntë në Superligë, por ditëve në vazhdim do të bëhet e ditur procedura dhe kriteret për aplikim.
