Mbrojtsi i krahut të djathtë, Danilo D’Ambrosio do të mbetet pjesë e skuadrës së Interit edhe për edicionin tjetër, ka raportuar sajti italian “Calciomercato” të enjten.
Mësohet se Interi ka shfrytëzuar opsionin automatik për rinovimin e kontratës së D’Ambrosios që i skadon në fund të këtij edicioni. Kështu që, me këtë veprim te Interit, kontrata e mbrojtësit është vazhduar edhe për një vit dhe D’Amrosio do të jetë pjesë e ekipit edhe për sezonin e ardhshëm. 32-vjeçari kishte kërkuar largimin nga Interi në verë pasi synonte të transferohej te skuadra e Milanit. Ai është pjesë e Interit prej vitit 2014 kurse këtë sezon ka luajtur në 20 ndeshje ku ka shënuar tri gola.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo