(Kosova Press) - Pak para fillimit të ndeshjes ndërmjet Spanjës dhe Kosovës në Sevilla, autoritetet spanjolle kërkuan nga përfaqësuesit e grupit të tifozëve “Dardanët” që ta largojnë flamurin e Kosovës nga tribunat.
Gjithsesi kjo nuk ndodhi për shkak të këmbënguljes së tyre që nuk lejuan një vendim të tillë të tyre.
Kryetari i grupit të tifozëve “Dardanët” ka treguar për KosovaPres se çfarë ndodhi në të vërtetë
“Erdhën për ta hequr por nuk pranuam as nuk kemi për të pranuar asnjëherë të na heqin simbolin e shtetit tonë”, tha Berisha, duke shtuar se autoritetet spanjolle nuk kishin dhënë asnjë arsye vetëm se kërkonin heqjen e flamurit të Kosovës.
“Pa asnjë arsye fare vetëm ta heqim por nuk pranuam dhe ja ku është prapë flamuri në stadium”, tha në fund Berisha.
