Futbollisti Alban Ajdini ka bërë të enjten hap të madh në karrierë. 20-vjeçari që luan në krah, ka firmosur kontratë profesionale me klubin e Superligës së Zvicrës, Servette.
Sipas njoftimit të klubit, ai bashkohet me ekipin profesional të Servettes.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAjdini, që me prejardhje është nga Kosova, është prodhim i Akademisë së Servettes. Është bashkuar me këtë skuadër në moshën pesëvjeçare. Ka kaluar të gjitha grupmoshat dhe tashmë është në derë të ekipit të parë.
Në pjesën e parë të edicionit është paraqitur me shumë sukses për ekipin U-21 të Servettes, kurse tashmë ka nisur stërvitjet me ekipin e parë.
Ajdini ka firmosur kontratë të vlefshme deri në vitin 2022.
“Servette është e lumtur me nënshkrimin dhe i dëshiron lojtarit të ardhme të ndritur”, thuhet në komunikatë.
Servette aktualisht është e katërta në Superligën e Zvicrës. Kështu Superliga e Zvicrës vazhdon të jetë kampionati evropian në të cilin paraqiten më së shumti futbollistë shqiptarë. Numri i tyre po shkon duke u rritur vazhdimisht.