Sport

Divine Myles i lumtur ta përfaqësojë Kosovën

Divine Myles i lumtur ta përfaqësojë Kosovën
 

Dhjetë muaj pasi u zyrtarizua te Z Mobile Prishtina, amerikani Divine Myles (180 cm) ka nisur përgatitjet me Përfaqësuesen e Kosovës. Plejmejkeri 23-vjeçar, të hënën, u paraqit në grumbullimin e ekipit, i cili po përgatitet për fazën e tretë parakualifikuese të “Eurobasket 2021”.

Myles gjatë muajit të ardhshëm do të debutojë me Kosovën, pasi do të luajë në katër ndeshje të kësaj faze. Kosova në këtë fazë do të luajë në kuadër të Grupit G dhe do të përballet me Luksemburgun dhe Britaninë e Madhe për një vend në kualifikimet e “Eurobasketit 2021”, shkruan sot “Koha Ditore”.