Skuadra e Villarrealit ka siguruar shëbrimet e mbrojtësit të krahut, Alberto Moreno ka njoftuar të martën gazeta spanjolle "Marca".
Moreno 26-vjeçar, te Villarreali do të transferohet si futbollist i lirë, pasi në fund të këtij muaji i skadon kontrata me Liverpoolin, transmeton Koha Ditore.
Ai me Villarrealin pritet të firmos kontratë katërvjeçare dhe do të jetë përforcim i dytë në mbrojtje gjatë kësaj vere pas Raul Albiolit.
Moreno në edicionin e fundit ka patur vetëm pesë paraqitje te Liverpooli. Ai te skuadra angleze është transferuar në vitin 2014 nga Sevilla për 18 milionë euro. Moreno gjithashtu ka edhe katër paraqitje me Përfaqësuesen e Spanjës.
