Presidenti i UEFA-s, Aleksander Ceferin, i ka vlerësuar “fatkeqësi” fyerjet raciste të tifozëve të Malit të Zi në drejtim të lojtarëve të Anglisë.
"Kjo është një fatkeqësi", tha Ceferin të martën në Amsterdam, ku mori pjesë në Asamblenë e Përgjithshme të Asociacionit të Klubeve Evropiane, transmeton KTV.
Ceferin nuk ka dashur të komentojë asgjë rreth dënimeve të mundshme që mund të marr Mali i Zi.
"Nuk mund të them asgjë, sepse tani është çështje e komitetit tonë disiplinor, por nuk mund të besoj se këta njerëz ende ekzistojnë", u shpreh Ceferin.
Ndeshjen e radhës, Mali i Zi do ta luajë me 7 qershor kundër Kosovës.
