Trajneri i Arsenalit, Unai Emery, ka ftuar mesfushorin Granit Xhaka që të gjuajë më shpesh nga distanca gjatë ndeshjeve, përcjell sajti anglez “talkSport” të hënën.
Xhaka, 26-vjeçar, shënoi golin e epërsisë në fitoren 2:0 ndaj Manchester Unitedit, pasi befasoi portierin David De Gea me një gjuajtje me efe prej rreth 25 metrave. Për Xhakën, ky ishte goli i katërt kampional këtë edicion në 25 paraqitje. Ai u aktivizua gjatë tërë ndeshjes kundër Manchesterit, që pësoi humbjen e parë në Premier League që prej emërimit trajner të Ole Gunnar Solskjaerit në dhjetor.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas Emeryt, Xhaka me gjuajtje më të shpeshta do të mundë t'i siguronte më shumë pikë e më shumë fitore skuadrës londineze që po lufton për një vend që dërgon në Ligën e Kampionëve edicionin tjetër, shkruan Koha Ditore.
Aktualisht Arsenali është i katërti me 60 pikë të tubuara, duke lënë pas vetes Manchester Unitedin (58) dhe Chelsean (57), ekipe që gjithashtu po kërkojnë një vend në Ligën e Kampionëve.
“Unë kam vetëm një vit si trajner i Arsenalit dhe mund të them se Xhaka është specialist i gjuajtjeve të tilla. Ai mund të gjuajë pothuajse nga secila pozitë në fushë, pavarësisht distancës. Kjo edhe është arsyeja që Xhaka është i veçantë”, ka insistuar Emery... (Më gjerësisht lexoni në Koha Ditore)