Asistenca e gjyqtarëve përmes videos (VAR) po fiton gjithnjë e më shumë vëmendje në fushat e futbollit, pasi përtej problematikave të evidentuara, në jo pak raste ka ndihmuar gjyqtarët të japin vendimin e duhur.
Një ngjarje e pazakontë është regjistruar edhe në kampionatin polak, në sfidën mes Legias së Varshavës, përballë Cracovias.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoBëhet fjalë për mbrojtësin e Legias, William Remy, i cili u ndëshkua dy herë me karton të kuq, pikërisht falë ndihmës që VAR-i i dha gjyqtarit kryesor, për të korrigjuar vendimin e mëparshëm, transmeton KP.
Ka qenë minuta e 75-të e takimit, kur mbrojtësi kreu një ndërhyrje të rëndë ndaj kundërshtarit, duke e shkelur qëllimisht mbi kofshë, por në lojë e sipër, arbitri akordoi vetëm karton të verdhë, që ishte i dyti për Remy dhe normalisht mbrojtësi u largua me karton të kuq për në dhomat e zhveshjes.
Por ndërkohë gjyqtari u sinjalizua që të rishikojë vendimin nëpërmjet VAR-it dhe vetëm pasi shkoi para monitorëve, kuptoi se ndërhyrja ishte vërtetë e ashpër dhe meritonte dënim direkt me karton të kuq.
Arbitri riktheu Remy në fushë, duke i sinjalizuar fillimisht se kartoni i verdhë ishte hequr, ndërsa mbrojtësi nga entuziazmi vrapoi për t’u rikthyer në fushë, por në moment pa edhe kartonin e kuq para syve, duke mbetur vërtetë i habitur.
There's a hand signal for rescinding a yellow card now. Thank you VAR, we are living in blessed times.pic.twitter.com/nGZYctP4WJ
— MUNDIAL (@MundialMag) February 18, 2019