Blerta Arifi tash e 5 vjet pasion ka punën e dekorimit të vazove.
Djem e vajza, lule dhe insekte e plot figura të tjera në miniaturë mund t’i shihni në punimet e saj.
Njësoj si një peizazh ashtu është edhe një terrarium i Blertës. Një çift ulur në pushimore pranë një lumi. Dy fëmijë duke luajtur në një fushë e plot skena të tjera që po dizajnohen nga ajo.
Në fillim ishte thjesht një vazo me lule për të ndryshuar e arritur në ato që njihen si terrariume apo në vazo qelqi në të cilat kultivohen bimët.
Nga afër punimet e Blertës të sjellin një portë e cila të dërgon në botën e përrallave.
Kjo punë ndonëse e vogël kërkon detaje të mëdha, pasi që ambientin të cilin e krijon duhet të jetë sa më i bukur dhe sa më real.
Bota bimore në qelq është çelësi i shkëputjes nga stresi i përditshmërisë.
Për 5 vjet punë ajo dallon punimet me Borëbardhën.
Por, artistja së fundmi ka gjetur edhe një pasion të ri.
Dekoret janë trend i ri nëpër shtëpitë kosovare e kjo ka bërë që Blerta të ketë shumë kërkesa për terrariume.
Të gjitha punimet ekspozohen në rrjete sociale me moto kopshtet e ëndërruara.