Mund të gjendet kudo nëpër tregjet e Prishtinës.
Fjala është për rrushin si ndër frutat që rangohen në mes frutash vjeshtore.
Lloje të ndryshme të tij e të kultivuar në vend, shiten në tregun e Ulpianës në Prishtinë.
Rrushi i Rahovecit, vazhdon të mbetet dominues në preferencat e qytetarëve në vend.
Vetitë shëruese të rrushit janë të shumta.
Shumë studime rrushin e nxjerrin si ushqim ideal për personat që vuajnë nga problemet me tretjen e ushqimit, sëmundjet e mëlçisë, hemorroidet e sëmundje të tjera.
Për të mirat shëndetësore e konsumojnë edhe qytetarët.
Tregtarët në tregun e Ulpianës, thonë që rrushi i Rahovecit mbetet më i kërkuari, teksa edhe çmimin e konsiderojnë të arsyeshëm.
Rrushi përdoret edhe për prodhimin e verës e lëngjeve të ndryshme, teksa cilësohet ideal edhe për dieta.
