Natyra e fshatit Shalë është harmonizuar mirë me ngjyrat e vjeshtës. Madje, me karakteristikat e kësaj stine janë të ngjashme edhe historitë e këtij vendi. Herë erë, herë diell.
Është vetëm njëri nga shumë fshatrat e Kosovës që daton shumë moti dhe në supet e tij mban histori e periudha të ndryshme. Të gjitha ato përmblidhen në vendet e veçanta të Shalës.
Të dashura për banorët e etur për dituri, disa nga librat e kësaj biblioteke u fshehën dikur në tokën e këtij fshati. Kjo me qëllim që këto libra t’i numërojnë vitet që i numërojnë tash.
Disa vjet pas periudhës fatkeqe që solli lëndime edhe në këto libra, biblioteka është funksionale. Aty pos librave të vjetër, ka edhe shumë tituj të ri, e që janë nën shërbimin e nxënësve e banorëve.
Bashkë me bibliotekën, edhe shkolla e fshatit Shalë ka një histori që mban më vete gjurmë nga e vjetra. E gjitha kjo histori është shprehur përmes ngjyrave, në një vizatim në murin e kësaj shkolle.
Ai nën mallëngjimin e fatit të tij, që të jetë edhe nxënës, por edhe mësimdhënës e drejtor në shkollën e fshatit ku jeton, tregon dallimet.
Por për mësimdhënësin që mbiemër ka emrin e fshatit, Shala ka shumë për të dhënë nga historia e saj.
Edhe
Selaca, fshati me bukuri të rrallë që po braktiset nga banorët
Ka edhe prej banorëve që kthehen nga vendet e Evropës shpesh për ta vizituar fshatin të cilin e konsiderojnë historik, e në të cilin kanë përjetuar shumë nga periudhat e ndryshme historike. I tillë është edhe Burim Drenic,a i cili pjesën më të madhe të kohës e kalon në Itali, por më të mirën në Shalë.
E veçanta e këtij fshati qëndron në vende të ndryshme dhe historitë e tyre, të cilat të përbashkët e kanë emrin Shalë, i cili ka mbetur nga një karakteristikë interesante që është fisi.
Vendet historike dhe karakteristike të Shalës, si guri i shpuar, sheshi Rambuje, disa mullinj e kroje, shumë objekte dhe shtëpi të vjetra, janë ato që e plotësojnë bukurinë e këtij vendi, që për banorët është historik.
