Pema e jetës, punim me gurë e rruaza shumëngjyrëshe

Ende e mban dhuratën që e mori më shumë se 20 vjet më parë nga një mike shumë e veçantë për të.

Kjo dhuratë u bë shkak që Badem Arapi nga Prizreni të interesohet për këtë mënyrë të veçantë të krijimit.

Duke qenë adhuruese e madhe e punëdores, punimi i këtyre pemëve i mbeti gjatë në listën e gjërave që dëshironte t’i bënte.

Një ditë vendosi që t’i shfrytëzonte disa kabllo elektrike e rruaza të vjetra të vajzave të saj e ta punonte një pemë.

“Kur e shoh sot pemën e parë që e kam punuar më duket që është bërë krejt gabim”, thotë ajo, duke qeshur me krenari për të gjitha ato zbukurime që ka arritur t’i punojë deri tash.

Edhe SOT 22 jan 2026 11-vjeçarja me grep krijon personazhet e preferuara, i shet online

Ato punime po ekspozon në rrejte sociale e në librarinë e saj në Prizren.

Duke pasur edhe angazhime të tjera, thotë se më shumë se 3 orë nuk mund t’ia kushtojë kësaj pune që, para së gjithash, ia jep ndjenjat më të mira.

E nganjëherë edhe i lë pa përfunduar në kërkim të inspirimit, të cilin e gjen shpejt.

Këto pemë në miniaturë nuk do të mund të dukeshin kaq bukur po të mos kishte pasur dashuri të madhe edhe për natyrën.

Gurët që i përdor për punimet e saj janë gjysmë të çmuar e mbajnë ngjyra të bukura.

Edhe SOT 1 kor 2025 Piktorja që synon ta ekspozojë traditën shqiptare në galeritë e Evropës

Në fillim sfidën më të madhe e kishte gjetjen e materialeve, por me kalimin e kohës gjithçka rreth kësaj pune u bë e natyrshme për të.

Rastet kur klientët i zgjedhin punimet e saj për t’i shënuar momentet më të mira për ta i japin vullnet për të krijuar më tutje.