Banorët e shtëpisë për persona të moshuar dhe pa përkujdesje familjare në Prishtinë, të premten, kanë pranuar dy pako me çorape nga 11-vjeçarja nga Prishtina, Stina Çerkini.
Në një lidhje të drejtpërdrejtë në emisionin e mëngjesit “Sot”, në KTV, Stina ka folur për këtë iniciativë, duke thënë se kaherë kishte dashur që të gjithë rezidentëve, të cilët i quan gjyshër, t’iu blinte çorape që të mos kenë të ftohtë në këtë periudhë. Ajo për shkak të masave mbrojtëse i dorëzoi çorapet në dy pako.
“Në pakon e kuqe vendosa çorapet për gjyshe, ndërsa në të kaltrën për gjyshërit. Secili nga 70 gjyshërit ka marrë nga 3 palë çorape”, deklaroi 11-vjeçarja.
Në letrën e saj drejtuar të moshuarve, Stina kishte shkruar:
“Të dashur gjyshe dhe gjyshër, ideja për t’ju blerë çorape më lindi duke pasur parasysh stinën e dimrit dhe të ftohtit që mund të ndieni, atëherë së paku këmbët të mos i keni të ftohta”.
-
Menaxhmenti la Shtëpinë e të moshuarve pa internet për muaj të tërë
-
Blerjet në internet u ndihmojnë të moshuarve ta kalojnë më lehtë izolimin
-
11-vjeçarja hap “biznesin” e saj të vogël
-
Ushqime të ngrohta e kujdes për të moshuarit që jetojnë vetëm në Shtime
-
Çorapet e punuara me shtiza që sollën bukë në tavolinë