Fatjona Rudi
Me fillimin e vitit të ri, për studentët fillon edhe afati i provimeve.
Me të hyrë në janar, ata nisin të përgatiten për këtë fazë të rëndësishme të studimeve të tyre.
Për t’u përgatitur, studiuar e lexuar, ata janë çdo herë në kërkim të një vendi më të përshtatshëm.
Shumë nga ta, kanë zgjedhur leximoret e konvikteve.
Kështu duken ato gati çdo ditë gjatë muajit janar.
Edhe
Studentët e vitit të parë kërkojnë t’u lejohen provimet në afatet e prillit dhe të nëntorit
Me libra, fletore, çanta e pajisje të ndryshme, studentët mbushin këto hapësira, madje disa nga ta nuk kanë as vend të ulen.
Në mesin e shumë të tjerëve, Rigon Gorqaj, student i vitit të tretë në Inxhinieri robotike zgjodhi këtë hapësirë për të studiuar.
Gorqaj ka treguar se si e përballon këtë fazë të provimeve, duke qenë se shumë prej tyre e cilësojnë si diçka stresuese.
I riu e ka përshkruar jetën studentore në konvikt.
Drejtori i Qendrës Studentore, Ekrem Rudari, thotë se qendra ka kapacitet për rreth 4 mijë studentë.
Duke qenë se studentëve u duhet vend me kushte të përshtatshme për përgatitje më të lehtë, ai shtoi se i plotësojnë këto nevoja.
Sipas Rudarit, disa prej tyre qëndrojnë deri në 10 orë duke lexuar.
Edhe
Rritet numri i lexuesve në bibliotekën e Llukarit
Në qendër, të gjithë të rinjtë kanë pothuajse të njëjtën rutinë gjatë këtij muaji.
Ata, megjithëse nuk kanë ligjërata gjatë muajit janar, largohen nga familja e tyre dhe vijnë në qendër për të studiuar e lexuar, në mënyrë që të kenë sukses.
