-
Nga:
Elizabeta Bajrami
- 29 qershor 2021 14:59
- Shpërndaje në:
Është e rrethuar me plot qen, e kështu e kalon shumicën e kohës.
Përkujdesja për këto kafshë tashmë është pjesë e jetës për Rona Spahiun, pronare e hotelit “Us for paws”.
Ajo rrëfen se e filloi nga pasioni për kafshë, e tashmë e ka punë të përditshme.
Spahiu është studente e veterinarisë dhe kjo ka ndikuar që ajo edhe të hapë hotelin për kafshë.
Ajo tregon se biznesin e ka hapur tash e 6 muaj dhe meqenëse e ka me qejf, nuk e konsideron si punë, e as nuk përton të përkujdeset për kafshët që vijnë.
Edhe
Fjolla, veterinerja që hapi një hotel për mace
Shëtitja, krehja, ushqimi e trajnimi janë disa nga shërbimet që kryhen në këtë hotel.
Qentë nuk janë të vetmit klientë të hotelit “Us for Paws”. Sipas pronares, edhe kafshët e tjera janë të mirëpritura.
Zogjtë e papagajtë tashmë janë të pranishëm për shitje.
Përveç kafshëve shtëpiake, hoteli i mban edhe kafshët endacake, ku ndër to është edhe qenushja Xhenna, e cila është gjetur në një park të Prishtinës e sulmuar nga njerëzit.
Me hotelin për kafshët, Spahiu ka edhe një lidhje më të veçantë.
Edhe
Fondacioni për të Drejtat e Kafshëve publikon videon ku një qen shihet duke u keqtrajtuar në strehimore
Kjo sepse aty ishte vendtakimi me qenin e saj personal, Piper.
Ka vetëm dy muaj prej se e ka takuar Piperin, ku fillimisht ajo e konsideronte klient e tashmë pjesë të shtëpisë.
Sipas pronares, qeni është bërë pjesë e saj e pandashme, e që në momentin e parë të takimit kishte një kimi mes tyre.
Ndonëse është lumturi, mbajtja e kafshëve kërkon edhe përkushtim të madh e sidomos kur rrethohesh edhe me kafshë të tjera.
Edhe
Komuna e Prishtinës synon që deri në mars t’i largojë nga rruga 1.500 qen
Meqenëse studion Veterinari, Spahiu ka në plan të hapë edhe ordinancën ku klientët t’i kenë të gjitha shërbimet në një vend.
Prishtina nuk është i vetmi lokacion i këtij hoteli, kafshët ajo i mban edhe në fshat e nëse është e nevojshme edhe në shtëpinë e saj.
