Festivali i baballarëve - Armir Bytyçi fiton titullin “Babai i vitit”

Prizreni ishte nikoqir i disa baballarëve të Kosovës, të cilët garuan për çmimin “Babai i vitit”. Se kush fitoi, e kuptojmë nga materiali i Shqipdonës.

Armir Bytyçi është shpallur “Babai i vitit”. Ai u tregua më i shkathëti në kryerjen e detyrave që ishin të përcaktuara në garën e mbajtur të dielën në Prizren.

Bytyçi ishte më i shpejtë se nëntë konkurrentët e tjerë, në kryerjen e punëve si: ndërrimi i pelenave, mbledhja e troshave, palosja e rrobave e të tjera.

Ai në këtë garë pati edhe mbështetjen e gruas dhe të dy fëmijëve, që të gjithë së bashku ia mësynë Prizrenit nga Gjakova.

Për Erlend Prevançi e rëndësishme ishte pjesëmarrja. Thotë se duhet të ketë më shumë aktivitete të tilla.

Rron Rama, koordinator i kampanjave në organizatën SIT, e që ishte edhe organizatore e Festivalit të Baballarëve, foli për organizimin dhe rëndësinë e ngjarjes.

Krahas baballarëve, edhe fëmijët e tyre shijuan aktivitetin duke lozur e shijuar ëmbëlsira. Po ashtu, morën nga një libër dhuratë.

Ky ishte edicioni i katërt i Festivalit të Baballarëve.