I nxehti ul prodhimin e mjaltit, bletarët e Kosovës tregojnë për humbjet e sivjetshme

Edhe kur nuk prodhon mjaltë në sasi të kënaqshme, për të e mjaftueshme është koha e shpenzuar në mesin e 300 koshereve.
Maliq Koskoviku nga Prishtina ka vite që bletarinë e ka shndërruar në profesion primar. Ndonëse rendimenti i mjaltit nuk mund të jetë i njëjtë vit pas viti, përkushtimi i z. Koskoviku ndaj bletarisë mbetet i njëjtë. 
Sipas bletarit Maliq Koskoviku, vitet e fundit nuk kanë qenë më të mirat për të dhe për bletarët e tjerë.
Ai krahason rendimentin e mjaltit të shumë vjetëve më parë me atë të kohëve të fundit, që si pasojë e temperaturave të larta bletët nuk kanë qenë edhe aq “punëtore”.

Nga 300 kosheret me bletë, Koskoviku nxori 500 kilogramë mjaltë.