-
Përktheu:
Vita Abrashi-Kajtazi
- 13 janar 2025 11:35
- Shpërndaje në:
Aktori i njohur Ben Affleck u pa duke u larguar nga shtëpia e tij dhe duke u drejtuar në shtëpinë e ish-gruas së tij, Jennifer Garner, për shkak të zjarrit që po përhapej në rajonin e Palisades.
Aktori 52-vjeçar, i shqetësuar, udhëtonte me makinën e tij të zezë, me dorën jashtë dritares, duke parë në drejtim të tymit të madh që dilte nga zona, ka shkruar Page Six.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Affleck, i veshur me një xhaketë të kaltër dhe një këmishë të bardhë, dukej i shqetësuar ndërsa shpejtonte për t’u bashkuar me Jennifer Garner (po 52 vjeçe) dhe fëmijët e tyre, Violet (19), Seraphina (16) dhe Samuel (12), të cilët jetojnë në një distancë të shkurtër nga ai. Sipas TMZ, familja e Garner nuk ishte urdhëruar të evakuohej ende, por ata ishin në gatishmëri.
Zjarri ka detyruar 30,000 njerëz në Los Angeles të largohen nga shtëpitë e tyre dhe është përhapur shumë për shkak të erërave të forta.
“Tymi dukej mjaft i zi dhe i dendur mbi Temescal Canyon. Nuk pashë flakë, por tymi ishte shumë i errët”, ka thënë aktori Eugene Levy.
Ndërkohë, James Wood ka shpërndarë një video në rrjetin social “X” duke shkruar: “Po largohem. Shpresoj që të gjithë të dalin pa rrezik”.
Edhe Princi Harry dhe Meghan Markle, që jetojnë në një vilë 14 milionë dollarëshe në Montecito, u njoftuan për urdhra evakuimi.
Një ngjarje tragjike ishte djegia e shtëpisë së artistëve të njohur Spencer Pratt dhe Heidi Montag.
Zjarri, që shpërtheu të martën rreth orës 10:30 të mëngjesit, vazhdon të përhapet me shpejtësi dhe ka shkatërruar mijëra hektarë, duke shkaktuar evakuime të mëdha në disa lagje.