-
Përktheu:
Vita Abrashi-Kajtazi
- 5 qershor 2026 11:55
- Shpërndaje në:
Aktorja e njohur Jennifer Garner ka treguar se për shumë vite e la karrierën në plan të dytë për t’iu përkushtuar familjes dhe fëmijëve të saj, ndërsa ndarja nga ish-bashkëshorti, aktori, Ben Affleck e largoi edhe më shumë nga Hollywoodi.
Ylli i serialit “Alias”, sot 53 vjeçe, ka folur për jetën profesionale dhe personale në një intervistë të re për revistën InStyle, ku ka shpjeguar se periudha e amësisë dhe ndryshimet e mëdha në familje ndikuan drejtpërdrejt në ritmin e punës së saj.
“Në fillim, kur je në një profesion që lidhet me performancën, humbet rreth një vit ose një vit e gjysmë për shkak të shtatzënisë, lindjes dhe rikuperimit”, ka thënë Garner.
Aktorja, e njohur edhe për rolet në filmat “13 Going on 30”, “Juno” dhe “Dallas Buyers Club”, ka shtuar se kur fëmijët e saj ishin të vegjël, puna nuk ishte prioritet.
“Kur fëmijët e mi ishin të vegjël, punoja shumë pak. Më pas familja jonë kaloi një periudhë të vështirë dhe me shumë ndryshime, ndaj pothuajse nuk punova fare për një kohë të gjatë”, u shpreh ajo.
Edhe
Jennifer Garner flet rreth vështirësive që pati pas divorcit nga Ben Affleck
Garner dhe Affleck u martuan në vitin 2005 dhe po atë vit mirëpritën vajzën e tyre të parë. Çifti njoftoi ndarjen në vitin 2015, ndërsa divorci u finalizua në vitin 2018.
Pavarësisht përfundimit të martesës, ata kanë ruajtur një marrëdhënie të mirë si prindër dhe vazhdojnë të bashkëpunojnë në rritjen e tre fëmijëve të tyre: Violet, Seraphina dhe Samuel.
Garner ka treguar se fëmijët e saj e kishin të vështirë sa herë që puna e largonte nga shtëpia, por gjithmonë kanë treguar mirëkuptim.
Duke folur për xhirimet e projektit të saj më të ri, “The Five-Star Weekend”, ajo ka thënë se për herë të parë pas shumë vitesh i lejoi vetes t'i përkushtohej plotësisht aktrimit.
“Të kisha një vit e gjysmë ku thjesht iu përkushtova aktrimit ishte një kënaqësi e madhe, sepse ky profesion është shumë egoist. Gjithçka sillet rreth orarit tënd. Nuk ka të bëjë me atë që kanë fëmijët në shkollë, me dërgimin apo marrjen e tyre, apo me kthimin në shtëpi për darkë”, ka thënë ajo.
Edhe
Jennifer Lawrence e konsideron veten si amvise
Garner ka thënë se kjo eksperiencë i kujtoi se aktrimi mbetet një pjesë e rëndësishme e identitetit të saj.
“E kuptoj atë ndjenjën kur thua: ‘I dhashë gjithçka rolit të nënës’. Ende jam nëna e tyre, nuk po shkoj askund dhe vazhdoj të jem plotësisht e përkushtuar ndaj tyre. Por jam gjithashtu shumë mirënjohëse që e kam rikthyer këtë pjesë të jetës sime”, u shpreh aktorja.
Ajo ka shtuar se nuk ndjen më faj për përpjekjen për të balancuar familjen dhe karrierën.
“Nuk u kërkoj falje fëmijëve të mi për këtë”, ka thënë Garner.
Edhe
Jennifer Lopez thotë se divorci nga Ben Afflecku e ka ndryshuar
Në vend të kësaj, ajo i falënderon ata për mbështetjen që i japin dhe për mirëkuptimin që tregojnë, ndërsa përpiqet të ruajë kufij të qartë mes punës dhe jetës familjare.
“Puna e palodhur është pjesë e jetës. Edhe gabimet janë pjesë e jetës. Edhe rëniet dhe ngritjet. Ka vend për të gjitha këto”, ka përfunduar ajo.
