“Westworld” po mbledh emra të fuqishëm të aktorëve për sezonin e ri.
Nga HBO njoftojnë se në sezonin e tretë të kësaj serie të njohur do ta shohim aktorin e vlerësuar Vincent Cassel. "Jemi shumë të emocionuar që do të punojmë me Vincent Cassel." Për vite të tëra jemi adhurues të tij dhe jemi shumë të lumtur që u bashkua me ekipin", deklaruan krijuesit e serisë Jonathan Nolan dhe Lisa Joy.
Si çdo gjë lidhur me serinë Westworld, nuk dihet asgjë për rolin e Cassel, kështu që këtë do të mundë ta kuptojmë vetëm me trilerin e parë. Serinë në ekranet e vogla mund ta presim gjatë vitit të ardhshëm, sepse produksioni ka filluar vetëm muajin e kaluar. Lena Waithe dhe Aaron Paul gjithashtu kohët e fundit i janë bashkuar sezonit të ri të kësaj serie fantashkencore, shkruan KOHA Ditore.
Në sezonin e dytë në rolet kryesore luajtën: Evan Rachel Wood, Jeffrey Wright, Thandie Newton, Ed Harris dhe Tessa Thompson, ndërsa ai mbërriti në HBO në prill të vitit të kaluar. Seria është kandiduar për 4 Golden Globe, ndërsa i ka fituar 40 çmime të ndryshme. T’ju rikujtojnë, sezoni i parë i “Westworld” u krijua sipas të njëjtit film nga viti 1973, skenarin e të cilit e shkroi Michael Crichton.
Vincent Casselin së shpejti do të mundë ta shohim në dramën aksion triler “Underwater”, në të cilën luan me Kristen Stewart, Jessica Henwicki, T.J. Miller.