Bateristi i grupeve “Dead Kennedys” dhe “Red Hot Chilli Peppers”, D.H. Peligro, ka vdekur në moshën 63-vjeçare.
Në një deklaratë për media e cila e lajmëroi vdekjen e tij u zbulua se bateristi i njohur, vdiq nga trauma në kokë e shkaktuar si pasojë e një rrëzimi aksidental në shtëpinë e tij në Los Angeles.
“Bateristi i grupi ‘Dead Kennedys’, D.H. Peligro, vdiq të premten (28 tetor) në shtëpinë e tij në Los Angeles. Policia e pranishme në vendin e ngjarjes konstatoi se ai vdiq nga trauma në kokë e shkaktuar nga rënia aksidentale. Më shumë hollësi do të zbulohen në ditët në vazhdim. Ju kërkojmë ta respektoni privatësinë e familjes gjatë kësaj kohe të vështirë. faleminderit për mendimet dhe fjalët ngushëlluese”.
I lindur me emrin, Darren Henley, në St. Louis të Missourit në vitin 1959, Peligro iu bashkua grupit “Dead Kennedys” në vitin 1981, duke e zëvendësuar bateristin themelues të këtij bendi, Ted, shkruan portali “NME”.
Pasi grupi u shpërbë në vitin 1956, Peligro për një kohë të shkurtër u bë pjesë e grupit ikonik “Red Hot Chili Peppers”, si zëvendësim i Jack Irons, mirëpo u pushua nga bendi një vit më vonë si pasojë e problemeve me varësinë nga droga dhe alkooli.
Më pas, bateristi i njohur i bë pjesë e ribashkimit të grupit “Dead Kennedys” në vitin 2001, dhe vazhdoi të bëjë muzikë me ta deri në kohën e vdekjes. Peligro po ashtu e gëzoi një karrierë të shkurtër si solo artist.
Edhe
Colin Burgess – bateristi që shenjoi historinë e rockut me “AC/DC”
Ndër të famshmit që postuan mesazhe ngushëlluese për Peligron ishte edhe basisti i grupit “Red Hot Chili Peppers”, Flea.
“DH Peligro përgjithmonë. Njeriu më qesharak, i sjellshëm dhe argëtues. Vëllai im i dashur, jam shumë falënderues për kohën që e kemi kaluar së bashku, të dua përgjithmonë”, shkruhej në mesazhin e muzikantit në Twitter.
DH Peligro forever and ever. The funnest, kindest and the rockingest. My dear brother I’m so grateful for our time I love you forever.
— Flea (@flea333) October 29, 2022
