Filmi i cili ka korrë suksese të jashtëzakonshme në këtë sezon të shpërblimeve, “Everything Everywhere All at Once”, ishte triumfuesi kryesor edhe në edicionin e fundit të ceremonisë “SAG Awards”, shpërblime këto të cilat i ndanë Shoqata e Aktorëve në Hollywood.
Gjatë mbrëmjes, ky projekt e fitoi çmimin “Ekipi më i mirë në film” dhe disa trofe shkuan për aktorët, Michelle Yeoh, Ke Huy Quan dhe Jamie Lee Curtis.
Derisa Michelle Yeoh u nderua në kategorinë “Aktorja më e mirë”, me çmimin “Aktori më i mirë në film” u shpërblye ylli i Hollywoodit, Brendan Fraser, për performancën e shkëlqyer në filmin “The Whale”.
Sa i takon kategorive për televizion, çmimi “Ekipi më i mirë në komedi” shkoi për kastën e aktorëve të serialit, “Abbot Elementary”, kurse çmimi “Ekipi më i mirë në dramë” iu nda aktorëve të serialit, “The White Lotus”.
Ndër fituesit tjerë të mbrëmjes ishin edhe yjet: Jessica Chastain, Jeremy Allen White, Jean Smart, Jason Bateman dhe Jennifer Coolidge.
Edhe
“Everything Everywhere All at Once” shkëlqen në ceremoninë “Oscar”
Aktorja veterane, Sally Field, u nderua me çmim special për arritje jetësore.
Çmimet “SAG”, konsiderohen paralajmërues të fituesve potencial në ceremoninë “Oscar”. Aktorët e përbëjnë përqindjen më të madhe të akademisë së filmit, kështu që votat e tyre kanë ndikimin më të madh në përzgjedhjen e fituesve.
