Dyshja e njohur e muzikës, Tony Bennett dhe Lady Gaga, do të perfomojnë gjatë këtij muaji në kuadër të “MTV Unplugged”.
shou i sjellë dy yjet duke i interpretuar versionet akustike të këngëve nga albumi i tyre i ri, “Love For Sale”, i cili është nominuar për çmim “Grammy” në kategorinë “Albumi më i mirë i vitit”.
Interpretimi i dyshes është xhiruar në fillim të këtij viti në praninë e një turne intime në New York City, ndërsa do të transmetohet më 16 dhjetor si pjesë e serisë së perfomancave muzikore, “Love Music With MTV”, të cilat mbahen gjatë gjithë dhjetorit.
Albumi i fundit i këngëtarëve, Tony Bennett dhe Lady Gaga, “Love For Sale”, u lansua në fillim të muajit tetor. Ai është mirëpritur nga fansat anembanë botës dhe është vlerësuar nga kritikët e muzikës, duke i fituar disa nominime për shpërblime të rëndësishme muzikore. Edhe kënga e këtij albumi, “I Get A Kick Ou Of You”, ka arritur të nominohet për “Grammy” në kategoritë, “Incizimi i vitit”, “Performanca më e mirë pop” dhe “Videoklipi më i mirë”.
Kjo dyshe bashkëpunoi edhe në vitin 2014 në realizimin e albumit, “Cheek To Cheek”.
Në muajin gusht të këtij viti, Tony Bennett, e bëri të ditur lajmin se po pensionohet, kjo si pasojë e sëmundjes së Alzheimer. Në të njëjtën kohë ai i mbajti dy koncerte në sallën “Radio City Music Hall” në New York, të cilat e shënuan paraqitjen e fundit të Bennettit në skenë, duke përkuar edhe me ditëlindjen e tij të 95-të.
Edhe
Lady Gaga dhe Tony Bennett lansojnë albumin “Love for Sale”
Bennett kishte vendosur ta incizojë edhe një album me Gagan, pas diagnostikimit me sëmundjen Alzheimer. Në fillim të vitit, këngëtari i cili gjatë karrierës 75-vjeçare dhe tejet të suksesshme muzikore i ka fituar 19 çmime “Grammy”, e bëri të ditur se është duke luftuar me këtë sëmundje progresive, pasi e kishte mbajtur të fshehtë për katër vjet.
Në një intervistë, djali i këngëtarit ikonik, Danny Bennett, deklaroi se një prej arsyeve pse familja e tij kishte vendosur ta bëjë publike diagnozën e Tony Bennettit me Alzheimer, ishte ngase e dinin se ai nuk do të ishte në gjendje ta promovojë albumin e ri, me t’u lansuar në treg.
