Këngëtari i njohur kanadez, The Weeknd, i ka shfrytëzuar rrjetet sociale për t’i ndarë me fansat disa hollësi rreth albumit të ri muzikor, “Dawn FM”, me ç’rast e zbuloi datën e lansimit të incizimit të tij të ardhshëm që do ta përfshijë një bashkëpunim me komedianin, Jim Carrey.
Në postimin e fundit në Twitter, një zë dëgjohet duke thënë: “Jeni duke e dëgjuar radiostacionin ‘103.5: Dawn FM’. Ju keni qenë në errësirë për një kohë të gjatë, tani është momenti të ecni drejt dritës dhe ta pranoni fatin tuaj duarhapur”.
Gjatë videos shoqëruese, albumi i ardhshëm i yllit 31-vjeçar të muzikës pop përshkruhet si, “univers i ri zanor nga mendja e The Weeknd”.
new album : dawn FM // january 7th pic.twitter.com/2H8AsuLcCi
— The Weeknd (@theweeknd) January 3, 2022
Edhe
Timberland e krahason këngëtarin The Weeknd me Michael Jacksonin
Kantautori i famshëm, emri i vërtetë i së cilit është Abel Tesfaye, në realizimin e këtij projekti po ashtu ka bashkëpunuar me yjet të tillë si, Quincy Jones, Tyler the Creator dhe Lil Wayne.
Komediani 59-vjeçar, Jim Carrey, tashmë i ka dëgjuar këngët e albumit dhe është deklaruar i lumtur dhe entuziazmuar që është pjesë e projektit të ardhshëm muzikor të The Weeknd.
Në të kaluarën, The Weeknd e zbuloi lajmin se ai dhe aktori i famshëm hollywoodian u bënë miq rreth kohës kur po e festonte ditëlindjen e tij të 30-të.
I pyetur nëse pandemia ia kishte prishur festën e ditëlindjes, këngëtari kishte deklaruar: “Ndeja ime e ditëlindjes nuk ishte shumë e madhe. Kemi festuar në një vend të vogël por kemi kaluar shumë mirë. Kemi bërë muzikë bashkë me miqtë e mi, pra ishim rreth njëqind njerëz gjithsej. U argëtuam vërtetë shumë. Mendoj se atë natë kam përqafuar pothuajse çdo person të pranishëm dhe ishte një moment i madh më mua. Dhe e veçanta tjetër është se e pata rastin ta takoja komedianin Jim Carrey”.
Edhe
The Weeknd thyen rekord me më së shumti performanca në stadiumin “SoFi”
Albumi i fundit i lansuar nga The Weeknd ishte ai i vitit 2020, “After Hours”, dhe i solli këngëtarit suksese të jashtëzakonshme duke thyer rekorde të dëgjueshmërisë nëpër toplista e platforma të ndryshme muzikore.
Përktheu: Edona Binaku
