Grupi “The Rolling Stones” e mbajti koncertin e parë për vitin 2021, dhe performancën ia dedikoi bateristit tashmë të ndjerë të bendit, Charlie Watts.
Gjatë këtij shou, Mick Jagger iu drejtua publikut me fjalët: “Ky është koncerti ynë i parë i turneut të vitit 2021, prandaj e konsiderojmë të jetë një natë debutuese për në. Më duhet ta them se është një natë prekëse për ne sepse ky do të jetë turneu i parë në 59 vjet, që do të performojmë pa anëtarin tonë të dashur, Charlie Watts. Ai na mungon shumë të gjithëve. Na mungon si anëtarë bendi në skenë dhe si mik në jetën e përditshme. Kemi shumë kujtime me Charlien dhe jam i sigurt se edhe ju keni kujtime të shumta me të. Shpresoj se do ta kujtoni përgjithmonë, sikurse ne. Duam që këtë performancë t’ia dedikojmë atij”.
Charlie Watts vdiq më 24 gusht në moshën 80-vjeçare.
Koncerti privat i bendit “The Rolling Stones” zuri vend në stadiumin “Gillette” në Foxborough. Turneu amerikan i rokerëve të famshëm nga Britani e Madhe, fillon më 26 shtator në St Louis.
Në fillim të gushtit, u konfirmua se Watts nuk do të bashkohej me grupin në turneun e tyre, “No Filter”, për shkak të një sëmundjeje të pazbuluar. Më vonë u njoftua se bashkëpunëtori i vjetër i “The Rolling Stones”, Steve Jordan, do të zëvendësojë atë në turne.
— Mick Jagger (@MickJagger) September 21, 2021
