Terrence Howard i jep fund aktrimit pas serisë “Empire”

I kandiduari për “Oscar”, Terrence Howard, po i jep fund aktrimit pasi që të përfundojë hit-drama e tij televizive Empire pas sezonit të fundit.

Aktori e bëri paralajmërimin e tij të pensionimit gjatë një interviste në emisionin televiziv Extra të mërkurën, duke zbuluar se ka gjëra të tjera që dëshiron t’i bëjë me jetën e tij.

"I kam dhënë fund aktrimit. I kam dhënë fund shtirjes," tha ai. "Thjesht po përqendrohem ta sjell të vërtetën në botë."

Ylli shpeshherë misterioz nuk hyri në detaje rreth planeve të tij pas aktrimit, por e pranoi se do t’i mungojnë miqtë e kastit të Empire kur të përfundojë hit seria: "Do të më mungojnë shumë, edhe ekipi", shkruan KOHA Ditore.

Sezoni i fundit i Empire do ta ketë premierën në Amerikë më 24 shtator.