Superylli i muzikës pop Taylor Swift dhe lojtari amerikan i futbollit Travis Kelce kanë kurorëzuar zyrtarisht dashurinë e tyre me martesë, në një ceremoni madhështore të mbushur me yje të famshëm, e cila u drejtua nga komediani dhe aktori Adam Sandler.
Ata u martuan në Madison Square Garden ku pas ceremonisë jashtë arenës në ekranin gjigant në qendër të Manhatanit u shfaq mbishkrimi “JUST&T MARRIED”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVeshja e nuses dhe e dhëndrit ishte nga Christian Dior dhe stilisti Jonathan Anderson, ndërsa këpucët ishin punuar me porosi nga Christian Louboutin. Taylor mbante gjithashtu bizhuteri të markës Cartier.
Një dasmë pothuajse mbretërore
Martesa e shumëpritur mes superyllit të muzikës dhe një prej emrave më të mëdhenj të futbollit amerikan ngriti entuziazmin në kulm. Madison Square Garden, një arenë e njohur për ndeshje historike të NBA-së dhe koncerte legjendare, u shndërrua në vendin e ceremonisë së tyre.
Mes të ftuarve nga bota e artit dhe argëtimit ishin aktorët Bradley Cooper, Zoë Kravitz, Hugh Grant dhe Ethan Hawke; modelet Gigi Hadid dhe Karlie Kloss; komediani Chris Rock; regjisori Steven Spielberg; këngëtarja Camila Cabello; si dhe autorja Jenny Han.
Nga bota e sportit morën pjesë trajneri i Kelce te Kansas City Chiefs, Andy Reid, disa prej bashkëlojtarëve të tij, legjenda e NFL-së Tom Brady, lojtari i Seattle Seahawks dhe kampioni i fundit i Super Bowl, Cooper Kupp, si dhe figurat e njohura të ESPN, Joe Buck dhe Stephen A. Smith.
Në një kulturë të fiksuar pas çifteve të famshme, kjo mund të ketë qenë dasma më e madhe e personazheve publikë, ndoshta e tejkaluar vetëm nga martesat mbretërore për sa i përket vëmendjes.
Organizimi i një ceremonie të tillë në një prej arenave më ikonike të Shteteve të Bashkuara, ndërkohë që çdo detaj mbahej sekret deri në fund, krijoi një atmosferë të pazakontë, ku jehona mediatike dhe fshehtësia bashkëjetuan në mënyrë perfekte - diçka që përputhet me mënyrën se si Taylor Swift ka menaxhuar gjithmonë jetën e saj private.
Brenda ceremonisë nuk pati pothuajse asnjë postim në rrjetet sociale, gjë që tregon se përdorimi i telefonave celularë ishte ndaluar.
Martesat kanë qenë një temë e përsëritur në këngët e Taylor Swift që prej adoleshencës së saj. Fakti që ajo u martua për herë të parë në moshën 36-vjeçare i dha edhe më shumë emocion këtij momenti. Edhe për Travis Kelce, 36 vjeç, fitues i tre titujve të Super Bowl, kjo ishte martesa e parë.
Adam Sandler, i njohur për filmin "The Wedding Singer" dhe shumë komedi të tjera të suksesshme, nuk ishte emri që shumica do të kishin parashikuar si celebrues të kësaj martese. Megjithatë, vitet e fundit ai është shndërruar në një figurë shumë të dashur dhe respektuar nga publiku.