Supermodelja Emily Ratajkowski ka zbuluar se është shtatzënë me fëmijën e saj të parë.
Modelja 29-vjeçare ndau lajmin e lumtur me lexuesit e revistës “Vogue”. Më pas këtë e bëri të ditur edhe përmes një postimi në Instagram.
Ajo tha se shpreson “ta rrisë fëmijën në një mjedis neutral ndaj gjinisë”.
“Kur burri im dhe unë, iu themi miqve se jam shtatzënë, pyetja e tyre e parë pas urimit është ‘A e dini se çfarë po prisni?’ Na pëlqen të përgjigjemi se nuk do ta dimë gjininë derisa fëmija ynë të jetë 18 vjeç dhe se ai ose ajo do të na e bëjë të ditur atëherë”, tha modelja.
Pavarësisht ideve të saj, Emily shtoi se e kishte imagjinuar veten si nënë të një vajze.
Modelja është e martuar prej vitit 2018 me producentin e njohur të filmave, Sebastian Bear-McClard, dhe të dy mendojnë se ky fëmijë do të ndryshojë jetën e tyre. \ A2News
